Wednesday, January 14, 2015

မင္းယုေဝ

12:22 AM @dmin No comments

မင်းယုဝေ
မင်းယုဝေ
စာရေးဆရာမ ငွေတာရီ (၁၉၂၅ - ၁၉၅၈)နှင့် စာရေးဆရာ မင်းယုဝေ (၁၉၂၈)
အမည်​ရင်းဦးဝင်းမောင်
မွေး​သက္ကရာဇ်၁၉၂၇ ခုနှစ် စက်တင်ဘာလ ၂၆ ရက်
နိုင်ငံသားမြန်မာနိုင်ငံ
ပညာရေးဝိဇ္ဇာဘွဲ့
အလုပ်အကိုင်မြဝတီ ပုံနှိပ်တိုက်တွင် အယ်ဒီတာချုပ် (၁၉၆၈-၇၉)၊ စာပေဗိမာန် စာပေဆုနှင့် အမျိုးသားစာပေဆု ရွေးချယ်ရေး အဖွဲ့ဝင်၊ ပညာရေးဝန်ကြီးဌာန မြန်မာစာအဖွဲ့ အဖွဲ့ဝင်၊ ကျောင်းသုံးစာအုပ် ကော်မတီ အဖွဲ့ဝင် (၁၉၆၈-၇၉)
မွေးရပ်ဇာတိအမျိုးသားစာပေဆု (ကဗျာဆု)၊ ဆောင်းပါး ပထမဆု၊ စာပေဗိမာန် ဘာသာပြန်စာပေဆု
မိဘအဖ ကုန်သည်ကြီး ဦးထွန်းဆိုင်၊ အမိ ဒေါ်သင်
 

ပညာရေး

ကန်ကြီးထောင့်မြို့ မင်းကုန်းကျောင်း (၁၉၃၄ ခုနှစ်)၊ ပုသိမ်မြို့ အမျိုးသား အထက်တန်း ေကျောင်း (၁၉၃၅)၊ နှင့် ဂျပန်စာသင်ကျောင်း (၁၉၄၁)၊ ကန်ကြီးထောင့် ခေတ်သစ်တန်းမြင့် ကျောင်း (၁၉၄၂) နှင့် ပုသိမ်မြို့ အမျိုးသား အထက်တန်းကျောင်း တို့တွင် ပညာသင်ကြားခဲ့ ပြီး ၁၉၄၆ ခုနှစ်တွင် ၁၀ တန်း အောင်မြင်ခဲ့သည်။ရန်ကုန်တက္ကသိုလ်တွင် ၁၉၄၆ ခုနှစ်မှ ၁၉၅၁ ခုနှစ်အထိ ပညာဆည်းပူးကာ ဝိဇ္ဇာဘွဲ့ ရခဲ့သည်။
၁၉၅၂ ခုနှစ်တွင် ကဗျာဆရာမ ငွေတာရီနှင့် အိမ်ထောင်ပြုပြီး သမီး ခင်ရီဝင်း အား ထွန်းကား ခဲ့သည်။ ၁၉၅၅ ခုနှစ်နှင့် ၁၉၅၆ ခုနှစ်များတွင် လန်ဒန်တက္ကသိုလ် အရှေ့တိုင်းနှင့် အာဖရိက ကောလိပ်တွင် တက်ရောက်ကာ အဘိဓာန် ပညာရပ်ကို သင်ယူခဲ့သည်။

ထမ်းဆောင်ခဲ့သည့်တာဝန်များ

ဝန်ထမ်းဘဝတွင် ပြန်ကြားရေး ဝန်ကြီးဌာန အထက်တန်း ဘာသာပြန် အရာရှိ (၁၉၅၁)၊ အင်းစိန်ခရိုင် ပညာအုပ် (၁၉၅၂)၊ စာပေဗိမာန် စာအုပ်တိုက်တွင် စာပြု (၁၉၅၃) နှင့် ရန်ကုန် တက္ကသိုလ် ဘာသာပြန်နှင့် စာအုပ်ထုတ်ဝေရေးဌာနတွင် လက်ထောက်စာတည်း (၁၉၅၄) တာဝန်များ ထမ်းဆောင်ခဲ့သည်။
နိုင်ငံခြား ပညာသင်အဖြစ် လန်ဒန်မှ ပြန်လာပြီးနောက်တွင်လည်း ရန်ကုန်တက္ကသိုလ် ဘာသာပြန်ဌာနတွင်ပင် လက်ထောက်စာတည်းအဖြစ် လုပ်ကိုင်ခဲ့သည်။ ၁၉၆၀ ပြည့်နှစ်မှ ၁၉၆၈ ခုနှစ်အထိ ငွေတာရီ မဂ္ဂဇင်းတွင် တာဝန်ခံ စာတည်း အဖြစ်ဆောင်ရွက်ခဲ့သည်။ ၁၉၆၃-၆၄ ခုနှစ်များတွင် ရုပ်ရှင် ဆင်ဆာအဖွဲ့ဝင်လူကြီး၊ ထိုနောက် မြဝတီ ပုံနှိပ်တိုက်တွင် အယ်ဒီတာချုပ် (၁၉၆၈-၇၉)၊ စာပေဗိမာန် စာပေဆုနှင့် အမျိုးသားစာပေဆု ရွေးချယ်ရေး အဖွဲ့ဝင်၊ ပညာရေးဝန်ကြီးဌာန မြန်မာစာအဖွဲ့ အဖွဲ့ဝင်၊ ကျောင်းသုံးစာအုပ် ကော်မတီ အဖွဲ့ဝင် (၁၉၆၈-၇၉) တာဝန်များလည်း ထမ်းဆောင်ခဲ့သည်။
နောက်ပိုင်းတွင် ပုဂ္ဂလိက စာစောင်များဖြစ်သော မြစ်မခ စာပဒေသာ၊ မြစ်မခ အင်္ဂလိပ်စာဥယျာဉ် တို့တွင် အယ်ဒီတာချုပ်အဖြစ် ၁၉၈၀ မှ ၁၉၈၄ အထိ လည်းကောင်း၊ မြတ်မင်္ဂလာ စာစောင်တွင် ၁၉၈၅ ခုနှစ်မှစ၍ ယနေ့အထိနှင့် မင်္ဂလာမောင်မယ် စာစောင်တွင် ၁၉၈၉ ခုနှစ်မှ ယနေ့အထိ အယ်ဒီတာချုပ်တာဝန်များ ထမ်းဆောင်နေသည်။

ခရီးစဉ်

နိုင်ငံတော်၏ အစီအစဉ်ဖြင့် တရုတ်ပြည်သူ့သမ္မတနိုင်ငံ (၁၉၆၅ ခုနှစ်)၊ အိန္ဒိယနိုင်ငံ (၁၉၇၃) နှင့် အမေရိကန်ပြည်ထောင်စု (၁၉၇၆) တို့သို့ လေ့လာရေးခရီးများ ထွက်ခဲ့သည်။

ရေးသားခဲ့သည့်ကဗျာဝတ္ထုတိုများ

၁၉၄၀ ပြည့်နှစ် ၆ တန်းကျောင်းသားအရွယ်မှစ၍ လက်ရေးစာစောင်များတွင် ကဗျာ၊ ဝတ္ထုတိုများ စတင်ရေးသားခဲ့သည်။ ၁၉၄၇ ခုနှစ် ရန်ကုန်တက္ကသိုလ်ကျောင်းသားဘဝ တွင် ကဗျာ နှင့် ဆောင်းပါးများ စတင် ပုံနှိပ်ဖေါ်ပြခံရသည်။
ဆရာ မင်းယုဝေ ရေးသား ထုတ်ဝေခဲ့သော ထင်ရှားသည့် စာအုပ်အချို့မှာ
  1. ဘဝမာလာ ကဗျာများ (၁၉၄၉)၊
  2. ငွေတာရီနှင့် တွဲဖက်၍ ရတနာကဗျာများ (၁၉၅၀)၊
  3. အီစွတ်ပုံပြင်များ (၁၉၅၄)၊
  4. ကမ္ဘာကျော် ဂရင်းညီနောင်ပုံပြင် ၁၀၀ (၁၉၈၄)၊
  5. ဆရာ မင်းသုဝဏ်နှင့် တွဲဖက်၍ ကဗျာ ပရိယာယ် (၁၉၆၃)၊
  6. အိမ်ပြန်ချိန် ကဗျာများ (၁၉၆၄)၊
  7. ဆရာတိုက်စိုးနှင့် တွဲဖက်၍ မြန်မာစာမိတ်ဖွဲ့ (ပထမတွဲ ၁၉၆၅၊ ဒုတိယတွဲ ၁၉၆၆)၊
  8. စာဆိုနှင့် သုတေသီ (၁၉၆၇)၊
  9. တက္ကသိုလ် ဝင်းမွန်နှင့် တွဲဖက်၍ အာရှပုံပြင်များ (၁၉၆၇)၊
  10. အိုမာခယမ် (၁၉၇၂)၊
  11. ရာဇဂြိုလ် (၁၉၇၅)၊
  12. ကျဉ်းထဲကျပ်ထဲ (၁၉၇၅)၊
  13. ရွှေကြက်ဖ ကလေးကဗျာများ (၁၉၇၆)၊
  14. သူလိုလူများ (၁၉၇၉)၊
  15. မင်္ဂလာရောင်ခြည် ဗုဒ္ဒဝင် ရုပ်ရှင် (၁၉၈၉)၊
  16. သုံးဆယ့်ရှစ်ဖြာ မင်္ဂလာ ပုံပြင်များ (၁၉၉၂)၊
  17. ဇာတ်ကြီး ဆယ်ဘွဲ့ အနှစ်ချုပ် (၁၉၉၅) တို့ ဖြစ်ကြသည်။

ကလောင်အမည်ကွဲများ

  1. ဂါမဏိ
  2. စောနိုင်၊ မောင်
  3. ထွန်းမြတ်၊ မောင်
  4. နေဝင်းဝဏ်
  5. ပျံချီ
  6. ဖိုးကျား၊ ပုသိမ်-
  7. ဖိုးနီ (မဟာဝိဇ္ဇာ )
  8. ဗိုလ်လုံး
  9. မင်း၊ တက္ကသိုလ်-
  10. မြစ်မခအယ်ဒီတာတစ်ဦး
  11. ရာကျော်၊ ဦး
  12. လေ့လာသူတစ်ဦး
  13. ဝေဠုသုမန (၂ )
  14. ဝင်းမောင်ဆိုင်
  15. ဝင်းဝင်းမြတ်
  16. ဝင်းအံ့
  17. သက်ဝေဦး
  18. အယ်ဒီတာတစ်ဦး
  19. အယ်ဒီတာအဖွဲ့ဝင်တစ်ဦး

Posted in:

0 comments:

Post a Comment

 
Design by Dabloeng.com/